Presidenti i Partisë Lëvizja Përfaqësuese, Ilir Meta, ka përshëndetur vendimin e Sirisë për njohjen e Kosovës si shtet të pavarur.
Ai e cilësoi këtë si një hap historik dhe të rëndësishëm, duke vlerësuar marrëdhëniet tradicionale mes dy vendeve.
“E përshëndes dhe vlerësoj vendimin e drejtë historik dhe shumë të rëndësishëm të Republikës Arabe të Sirisë për njohjen e Kosovës. Mirënjohje dhe falenderim të thellë Sirisë, vend mik tradicional i kombit shqiptar dhe faktor me peshë në Lindjen e Mesme, që po dëshmon përkushtim për të ecur në rrugën e duhur. Urimet më të përzemërta vëllazërore popullit dhe institucioneve të Kosovës për këtë njohje të re!’ shkruan Meta.
