Kryetari i bashkisë Tiranë, Erion Veliaj la qelinë e paraburgimit në Durrës për të marrë pjesë në seancën e Gjykatës Kushtetuese ku do të shqyrtohet ankimimi i tij kundër qeverisë, e cila e shkarkoi nga posti i drejtimit të bashkisë së Tiranës. Seanca pritet të nisë në orën 10:00 dhe relatore e çështjes është gjyqtarja Sonila Bejtja.
Këshilli i Ministrave e shkarkoi Veliajn më 25 shtator me argumentin se nuk është paraqitur prej 3 muajsh në detyrë. Më 1 tetor, presidenti Bajram Begaj dekretoi zgjedhjet e pjesshme në Tiranë, por dekreti u pezullua me vendim të ndërmjetëm nga Gjykata Kushtetuese. Erion Veliaj mbahet nën masën e arrestit me burg prej datës 10 shkurt.
Sot beteja finale! Zbulohet avokati i dytë i Veliajt në Kushtetuese
