Zëvendës ndihmës Sekretar i Shtetit të SHBA-së, Mark Fleming, vizitoi sot Prokurorinë e Posaçme Kundër Korrupsionit (SPAK), ku zhvilloi biseda me kreun e saj, Altin Dumani, dhe prokurorin e posaçëm Klodian Braho.
Gjatë vizitës, Fleming u takua gjithashtu me ministren e Brendshme, Albana Koçiu, ministrin e Drejtësisë, Besfort Lamallari, si dhe me funksionarë të tjerë të lartë të qeverisë. Përfaqësuesit e opozitës, përfshirë Gazment Bardhin, Belind Këlliçin dhe Jorida Tabakun, morën pjesë gjithashtu në këto takime.
Takimi vjen në një periudhë kur SPAK po zhvillon hetime ndaj zyrtarëve të nivelit të lartë, duke synuar forcimin e bashkëpunimit ndërkombëtar dhe rritjen e besimit në proceset e drejtësisë në vend.
