Në seancën në Gjykatën Kushtetuese, avokatët e Erion Veliajt vunë në dukje se procedura për shkarkimin e tij është zhvilluar me një shpejtësi të pazakontë.
Sipas avokatit mbrojtës, Alban Dokushi, të gjitha veprimet nga mbledhja e Këshillit Bashkiak të Tiranës më 23 shtator, deri te vendimi i Këshillit të Ministrave më 25 shtator – janë kryer brenda vetëm dy ditësh.
Ai theksoi se kjo nuk ka ndodhur më parë në raste të ngjashme dhe se ritmi i lartë i miratimit të akteve ngre dyshime për shkelje të procedurave ligjore. Dokushi kërkoi që Gjykata Kushtetuese të vlerësojë ligjshmërinë e procesit të shkarkimit të Veliajt.
