Ushtria izraelite ka njoftuar se mbetjet mortore të dorëzuara së fundmi nga Hamasi nuk i përkasin asnjërit prej pengjeve që ende konsiderohen të zhdukur.
Trupat, të cilat iu dorëzuan Komitetit Ndërkombëtar të Kryqit të Kuq, u ekzaminuan nga autoritetet mjekoligjore në Izrael.
Vetëm pak ditë më parë, Hamasi kishte kthyer trupat e dy pengjeve izraelitë, ndërsa në Rripin e Gazës ende ndodhen trupat e 11 pengjeve të tjerë.
Dorëzimi i mbetjeve bëhet si pjesë e një marrëveshjeje armëpushimi të ndërmjetësuar nga SHBA-ja.
Hamasi thotë se përballen me vështirësi për të gjetur trupat nën rrënoja, ndërsa Izraeli e akuzon për vonesa të qëllimshme.
Konflikti vazhdon që prej sulmit të 7 tetorit 2023, kur militantët e Hamasit vranë rreth 1.200 persona dhe rrëmbyen mbi 250 të tjerë në Izrael.
