Java e 10-të e Abissnet Superiores vijoi këtë të hënë me dy ndeshje: Flamurtari–Elbasani dhe Dinamo–Teuta.
Në sfidën që po zhvillohej në stadiumin “Flamurtari” të Vlorës, ndonëse rezultati ishte ende 0–0, ndeshja u shoqërua me tension në tribunë.
Në grupimin e tifozëve vendas, përveç ndezjes së tymueseve, shpërtheu edhe një përplasje fizike që detyroi ndërhyrjen e policisë për të qetësuar situatën.
Për pasojë, ndeshja u ndërpre për disa minuta derisa rendi u rivendos, dhe më pas loja rifilloi normalisht.
