Presidenti i Bullgarisë, Rumen Radev, i bëri thirrje Bashkimit Evropian që të marrë seriozisht aktivitetet e Beogradit brenda projektit të quajtur “Bota Serbe”, duke paralajmëruar se kjo mund të kërcënojë stabilitetin në Ballkanin Perëndimor.
Radev theksoi se “Ballkani Perëndimor është një pikë kritike e sigurisë që kërkon vëmendjen e plotë të Bashkimit Evropian” dhe se institucionet evropiane duhet ta trajtojnë këtë problem shumë seriozisht.
Projektit “Bota Serbe” i është krahasuar me konceptin e dikurshëm të “Serbisë së Madhe” dhe me idenë e “botës ruse” të Vladimir Putinit.
Ai synon rivendosjen e ndikimit të Beogradit mbi Kosovën dhe shtete të tjera të ish-Jugosllavisë.
Në qershor 2024, Presidenti serb Aleksandar Vuçiç mbajti Asamblenë Gjithë-Serbe në Beograd, ku u miratua Deklarata Gjithë-Serbe, që shërben si bazë për implementimin e këtij koncepti, sipas kritikëve.
Raportuesi i Parlamentit Evropian për Serbinë, Tonino Picula, paralajmëroi gjithashtu se ky projekt mund të destabilizojë rajonin nëse nuk trajtohet me kujdes nga BE.
