Zbardhen detaje të reja nga arrestimi i Ervis Brashës nga Kamza, që u gjet i veshur me një uniformë policie. Ai ka deklaruar se e ka fiksim këtë uniformë dhe pasioni për policinë e ka bërë që të lidhë kontakte me shumë oficerë.
20 vjeçari për 4 muaj ka punuar si punonjës i Policisë bashkiake në Tiranë dhe më pas ishte larguar dhe kishte aplikuar në Akademinë e Sigurisë. I riu nuk u shpall fitues duke ngelur në testin psikologjik.
Pasi u ndalua në Kamzë, gjatë kontrollit në banesë iu gjetën 4 dokumente identifikimi me emra dhe fotografi të dyshuara të falsifikuara, 1 armë sportive të llojit pistoletë me 2 krehra përkatës, uniformë e Policisë së Shtetit, 16 stema dhe grada të ndryshme, si dhe 3 kapele me shenja të ngjashme me ato të Policisë së Shtetit.
