Deputeti i Partisë Demokratike, Belind Këlliçi, ka reaguar pas publikimit të pjesëve të dosjes hetimore të SPAK për aferën e tunelit të Llogarasë, ku janë zbardhur biseda mes ministres Belinda Balluku dhe ish-kreut të ARRSH-së, Evis Berberi.
Në reagimin e tij në rrjete sociale, Këlliçi ka ironizuar kryeministrin Edi Rama dhe ministren Balluku, duke u shprehur se nga kjo aferë ka “lindur” edhe një toponim i ri.
“Ja kështu rastësisht lindi dhe një mikrotoponim i ri! Nga sot ‘Tuneli i Llogarasë’ mund fare thjeshtë të quhet ‘Tuneli i k*rvës’ ose ‘Tuneli i Palloshit’!”, shkroi Këlliçi.
Ky reagim vjen pas publikimeve të Sali Berishës mbi komunikimet mes Ballukut dhe Berberit, të përfshira në dosjen hetimore të SPAK për procedurat e tenderit të tunelit të Llogarasë.
