Autoriteti Kombëtar i Ushqimit në Shkodër ndaloi një kamion me 25 ton misër që vinte nga Serbia në doganën e Hanit të Hotit.
Kontrolli zbuloi prani të aflatoksinës B1 mbi normat e lejuara për Shqipërinë, duke bërë të pamundur lejimin e futjes së sasisë, e cila kishte destinacion Elbasanin.
AKU njofton se aksioni vazhdon dhe priten bllokime të tjera të sasive të misrit, ndërsa po kryhen procedurat doganore.
Po ashtu, është bllokuar edhe një fermë qumështi në Trush, Shkodër, për shkak të parregullsive të konstatuara.
