Një ngjarje ka ndodhur në Shkodër këtë të diel, ku 38-vjeçari Arvjo Fishta humbi jetën pas kontaktit me energjinë elektrike gjatë punës.
Fishta, ish-portier i Superiores, punonte në një kompani interneti dhe fatkeqësia ndodhi teksa ai po kryente detyra në një shtyllë elektrike.
Arvjo Fishta kishte filluar karrierën e tij sportive në moshën 17-vjeçare me ekipin e Laçit në sezonin 2004-2005.
Pas largimeve të shumta të lojtarëve titullarë, ai kaloi te Shkumbini nën drejtimin e trajnerit Faruk Sejdini dhe më pas tek Turbina në Kategorinë e Parë. Karriera e tij përfundoi në moshën 20-vjeçare për shkak të një dëmtimi serioz në ligamentet e gjurit.
Bie në kontakt me rrymën elektrike, ndërron jetë punonjësi i internetit
