Komisioni Qendror i Zgjedhjeve ka publikuar të dhënat më të fundit për raundin e dytë të zgjedhjeve për kryetarë komunash.
Sipas të dhënave të KQZ-së, deri në orën 15:00 kanë ushtruar të drejtën e votës 252,510 qytetarë, duke arritur një pjesëmarrje prej 19,18%.
Nga gjithsej vendvotimet e regjistruara, janë përpunuar të dhënat nga 1,413 qendra votimi.
Autoritetet zgjedhore presin që pjesëmarrja të rritet gjatë orëve të mbetura të ditës, ndërsa qytetarët vazhdojnë të drejtohen drejt kutive të votimit.
