Sot në orën 13:00 në GJKKO zhvillohet seanca e radhës për aferën “Partizani”, ku të pandehur janë ish-kryeministri Sali Berisha, dhëndri i tij Jamarbër Malltezi dhe tre persona të tjerë.
Trupi gjykues do të vendosë mbi kërkesën e mbrojtjes për pavlefshmërinë e disa akteve dhe provave të sekuestruara. Berisha akuzohet për korrupsion pasiv të zyrtarëve të lartë, ndërsa Malltezi dhe disa të tjerë për korrupsion dhe pastrim parash.
Në seancën e kaluar, prokurori i SPAK argumentoi se nuk ka shkelje në procedurat e hetimit, duke kërkuar rrëzimin e kërkesës së mbrojtjes.
