Pas rrëzimit të kërkesës së Fatmir Mediut për përjashtimin e saj, gjykatësja Irena Gjoka i është drejtuar zv/kryetarit të GJKKO-së, Erion Bani, duke kërkuar të largohet nga gjykimi i dosjes “Gërdeci”.
Gjoka argumenton se nuk mund të vijojë procesin, pasi ka qenë pjesë e seancës paraprake dhe mori gjykimin kur i pandehuri kërkoi gjykim të shkurtuar.
Me ndryshimin e procedurës në gjykim të zakonshëm, ajo konsideron se ndodhet në kushtet e papajtueshmërisë.
Seanca e djeshme vijoi normalisht, me kundërshtimet e avokatëve të Mediut mbi deklarimet e ekspertëve, ndërsa vendimi për kërkesën e Gjokës pritet nga drejtuesi i GJKKO-së.
