Drejtoria për Hetimin e Krimeve Kibernetike, në luftën kundër krimit kibernetik, ka arrestuar një 29-vjeçar në Tiranë për veprën penale “Pornografia me të mitur”.
Operacioni u zhvillua në zbatim të vendimit të Gjykatës së Shkallës së Parë të Juridiksionit të Përgjithshëm Tiranë dhe në kuadër të aksionit policor ndërkombëtar të koduar “STREAM”, kundër shfrytëzimit seksual të të miturve në internet.
Autoritetet shqiptare theksojnë se janë të angazhuara për mbrojtjen e fëmijëve dhe të miturve nga abuzimi në internet, duke u bërë thirrje qytetarëve, prindërve dhe të rinjve që të raportojnë çdo rast të tillë të dyshuar .
