Belinda Balluku, e pandehur nga SPAK, nuk ishte e pranishme në mbledhjen e Komisionit të Ekonomisë ku diskutohej buxheti i Ministrisë së Infrastrukturës.
Deputetët demokratë kërkuan që mbledhja të shtyhet derisa ministrja të paraqitet për të sqaruar përdorimin e fondeve për projektet kryesore, si tuneli i Llogarasë dhe aeroporti i Vlorës.
Eno Bozdo u shpreh: “Prezenca e ministres është e domosdoshme, jo për gjëra të jashtëzakonshme, por për të diskutuar transparencën e fondeve publike dhe projektet më të mëdha infrastrukturore.”
Deputeti Igli Cara shtoi se diskutimi është i nevojshëm për të siguruar transparencën dhe përdorimin e përgjegjshëm të buxhetit: “Kjo ministri ka pjesën më të madhe financiare dhe duhet të japë shpjegime për fondet e shpenzuara.”
