Pas ngjarjes së rëndë që ka ndodhur në Brest të Francës, ku një shqiptar vrau gruan dhe pastaj veten ka reaguar nëna e autorit në Korçë.
Ajo shprehet, “Më ndihmoftë shteti të më sjellë trupin e djalit këtu. Unë nuk di gjë se çfarë ka bërë djali andej. Ishin mirë, ishin bukur. Fërkime ka çdo shtëpi. Më përpara nuk kanë patur probleme, kanë qenë shumë mirë”.
Sipas saj, një telefonatë tjetër i ka ardhur rreth orës 20:45 nga nusja e djalit tjetër që jeton në Greqi, “Flora, mblidh mendjen, se yt bir kështu ka bërë. Vrau veten e tij dhe nusen”.
Gruaja 30 vjeçe dhe burri i saj 36 vjeç u gjetën nga policia mbërmjen e së enjtes brenda në apartamentin e tyre.
Dyshohet se autori i ngjarjes është vet 36 vjeçari Andon Janiqi.
“Më tha, mblidh mendjen”- Nëna: Si e mora lajmin që djali vrau nusen dhe veten
