Një ngjarje ka ndodhur në Portin e Durrësit ku një marinar italian 25-vjeçar, që punonte në linjën Durrës–Ankona, u kap duke tentuar të kalonte një pako me lëndë narkotike, të dyshuar kanabis, ndërsa po dilte nga Shqipëria.
Ai u ndalua nga policia pas informacionit që ata kishin marrë më parë, dhe lënda narkotike u sekuestrua.
Tani çështja ka shkuar në Prokurorinë pranë Gjykatës së Shkallës së Parë Durrës, që të vazhdojnë hetimet për “Trafikim të lëndëve narkotike”.
