Kryetari i Grupit Parlamentar të Partisë Demokratike, Gazment Bardhi ka deklaruar në mbledhjen e Konferencës së Kryetarëve se paketa fiskale duhet të kishte ardhur bashkë me buxhetin.
Ai shto se Ministri i Financave duhet ta kishte prezantuar këtu buxhetin dhe ne si Konferencë do të kishim miratuar një kalendar për shqyrtimin e kësaj pakete.
Reagimi i plotë i Bardhit:
Na keni njoftuar se ka ardhur Paketa Fiskale. Ju kujtoj se duhej të kishte ardhur bashkë me buxhetin, por përtej kësaj duhet ndjekur e njëjta procedurë si me buxhetin. Ministri i Financave duhej ta kishte prezantuar këtu, dhe ne si Konferencë duhej të kishim miratuar një kalendar për shqyrtimin e kësaj pakete. Me sa shoh nuk keni ndërmend te respektoni rregulloren dhe kushtetutën.
