Ministri i Jashtëm i Republikës Federale të Gjermanisë, Johann Wadephul, u prit në Tiranë gjatë vizitës së tij në gjashtë shtetet e Ballkanit Perëndimor Bosnjë dhe Hercegovinë, Mal i Zi, Shqipëri, Serbi, Kosovë dhe Maqedoninë e Veriut.
Gjatë takimit bilateral, Wadephul theksoi përparimin që Shqipëria dhe Mali i Zi kanë bërë në lidhje me reformat kyçe për procesin e anëtarësimit, duke përfshirë veçanërisht fushën e sundimit të ligjit.
Johann Wadephul, theksoi rëndësinë e pavarësisë së institucioneve dhe mbështetjes së vazhdueshme për procesin.
“Nëse reformimi i sistemit të drejtësisë realizohet në mënyrë të pavarur, do të kemi një sistem të fortë, si në aspektin ligjor ashtu edhe politik. Duhet të nisemi nga mbështetja maksimale për këtë proces.”
