Prokuroria e Tiranës ka kërkuar dënimin me 23 vite burg për Ilir Beqarajn, i akuzuar si i përfshirë në vrasjen e Gentian Bejtjes më 15 mars 2024 në fshatin Larush, Fushë-Krujë.
Hetimet tregojnë se Bejtja u ekzekutua në oborrin e shtëpisë së tij nga persona të armatosur, ndërsa pak minuta më vonë u gjet i djegur një automjet që dyshohet se u përdor nga autorët.
Sipas Prokurorisë, të dhënat e GPS-it të një makine të marrë me qira e vendosin Beqarajn pranë zonës së ngjarjes para vrasjes. Ndërkohë, analizat e ADN-së në një automjet tjetër të sekuestruar pas ngjarjes kanë identifikuar gjurmët e tij dhe të dy personave të tjerë të dyshuar.
Beqarajt i kërkohet dënimi për tre akuza:
Vrasje me paramendim në bashkëpunim – 21 vite burg
Mbajtje pa leje e armëve dhe municionit – 2 vite burg
Falsifikim dokumentesh – 1 vit burg
Në total, Prokuroria kërkon 23 vite burg.
