Kreu i Grupit Parlamentar të Partisë Demokratike Gazment Bardhi, reagon sërish për hetimet ndaj zv.kryeministres Belinda Balluku, e cila prej javësh është marrë e pandehur nga SPAK.
Ai theksoi se një prej çështjeve që po hetohet lidhet me projektin e parkut fotovoltaik në digën e Zadejës.
“Të dyja projektet janë të njëjta, nga e njëjta kompani që zonja e ka shpallur fituese. Kur e ofron për Belindën zhduken 5 milionë, ndërsa kur e bën për privatin shkon aq sa është”, deklaroi Bardhi.
Sipas tij, diferenca e kostos është tregues i qartë i abuzimit: “Kjo ndërtohet me 3 milion euro, zonja e ka bërë me 5 milion euro.”
