Nancy VanHorn, E Ngarkuara me Punë e Shteteve të Bashkuara në Tiranë, zhvilloi sot një takim me Ministren e Ekonomisë dhe Inovacionit, Delina Ibrahimaj, për të diskutuar mënyrat se si Shqipëria mund të përfitojë nga partneritetet publike-private dhe të avancojë iniciativat e inovacionit në ekonomi.
Gjatë bisedës, VanHorn prezantoi planet e ambasadës për të ofruar ekspertizë amerikane në sektorin e investimeve dhe nxitjen e një mekanizmi transparent për shqyrtimin e investimeve të huaja.
Ambasada e SHBA-së thekson se këto hapa synojnë të forcojnë transparencën, inovacionin dhe përgjegjshmërinë, duke krijuar mundësi më të mira për zhvillimin ekonomik të vendit.
