Një debat i ashpër u zhvillua sot në Kuvend mes deputetit Klevis Balliu dhe zv.kryeministres Belinda Balluku, gjatë diskutimeve për buxhetin e vitit 2025. Balliu akuzoi qeverinë për lidhje me grupe kriminale dhe keqmenaxhim të fondeve publike, ndërsa Balluku iu kundërpërgjigj me sulme personale ndaj tij dhe familjarëve të tij.
“Pse nuk keni hedhur buxhet për hetim financiar për këto kulla që denoncon edhe vetë SHBA? Ju nuk po e mbroni qytetarin, po krimin,” tha Klevis Balliu.
“Klevis Balliun duhet ta dëgjoni me vëmendje, sepse është rritur në një familje ku vjedhja ka qenë pjesë e edukatës familjare… Tezja e tij merrte fonde 150 milionë euro nga shteti. Po të kishte qenë SPAK atëherë, do të ishte ende në burg,” shprehet Balluku.
