Presidenti i Republikës, Bajram Begaj, zhvilloi një vizitë zyrtare në Pragë, ku u prit nga homologu i tij çek, Petr Pavel. Takimet u fokusuan te integrimi i Shqipërisë në Bashkimin Evropian, bashkëpunimi ekonomik dhe kulturor, si dhe çështjet e sigurisë evropiane.
“Shpreha mirënjohjen time për mbështetjen e vazhdueshme që Republika Çeke i ka dhënë Shqipërisë në procesin e integrimit evropian. Çekia ka qenë dhe mbetet një zë i fortë në Bashkimin Evropian për zgjerimin e bazuar në meritë dhe gjithëpërfshirës,” deklaroi Presidenti Begaj.
Në kuadër të vizitës, kreu i shtetit shqiptar zhvilloi takime edhe me udhëheqësit kryesorë të Parlamentit dhe Qeverisë çek, duke theksuar rëndësinë e forcimit të bashkëpunimit ekonomik, investimeve dhe turizmit mes dy vendeve.
