Pas dy dështimeve të njëpasnjëshme të Lëvizjes Vetëvendosje për të formuar qeverinë, kryetari i PDK-së, Bedri Hamza, thekson se Kosova ka nevojë urgjente për një qeveri funksionale dhe të përgjegjshme.
Ai theksoi se stabiliteti institucional mund të rikthehet vetëm përmes zgjedhjeve të reja dhe i bëri thirrje presidentes Vjosa Osmani të caktojë sa më parë datën e tyre.
“Shumica aktuale nuk ka arritur të krijojë institucionet e reja dhe kjo ka sjellë pasiguri politike dhe institucionale. Koha për fjalë të mëdha ka kaluar, tani duhet veprim dhe një qeveri që punon,” u shpreh Hamza.
