Kryetari i Lëvizjes Bashkë, Arlind Qori i ka bërë thirrje kryeministrit Rama të japë dorëheqjen pas pezullimit të Belinda Ballukut me vendim gjykate.
“Edi Rama sillu një herë të vetme si i rritur në jetën tënde politike dhe jep dorëheqjen!
Le ta vendosë populli në kushte të barabarta se kush do ta qeverisë në katër vitet e ardhshme.
Edi Rama duhet të japë dorëheqjen sot. Presidenti i Republikës duhet të shpallë datën e zgjedhjeve të parakohshme nesër.
Vendi ynë meriton të qeveriset me ndershmëri dhe kompetencë” tha Arlind Qori.








