Komisionerja e BE për zgjerimin, Marta Kos u shpreh sot nga Tirana se nuk komenton vendimin e GJKKO për pezullimin e zëvendëskryeministren Belinda Balluku. Ajo tha se këto çështje i takojnë drejtësisë.
“Nuk mund të komentojë vendime të tilla të drejtësisë konkrete. Shqipëria ka pasur një ecuri të rëndësishme në luftën kundër korrupsionit. Ne kemi pasur këtë si gjetje tonën. Ajo që ka ndodhur në dy vitet e fundit në Shqipëri është e paprecedentë. Raste të tilla ndodhin gjithandej por e rëndësishme është që të ndjekim vendimet e gjykatës”, tha ajo.
