Gjykata e Lartë rrëzoi kërkesën e ish-presidentit Ilir Meta për përjashtimin e gjyqtarit Ilir Panda nga gjykimi i çështjes penale.
Ky vendim është i formës së prerë dhe i është njoftuar si Metës, ashtu edhe gjyqtarit Panda.
Ilir Meta qëndron në paraburgim që nga 21 tetori 2024 dhe akuzohet së bashku me ish-bashkëshorten Monika Kryemadhi për korrupsion pasiv, pastrim parash dhe mosdeklarim të pasurisë lidhur me lobimin e LSI-së në SHBA.
Në të njëjtën dosje, për pastrim parash dhe korrupsion akuzohen edhe Fatime Kryemadhi, Pirro Xhixho dhe Ema Çoku.
