Kreu i PD Sali Berisha gjatë një takimi në Asamblenë e Përgjithshme CDI në San Paolo të Brazilit foli për situatën shqetësuese në vend pasi theksoi se shteti është i kapur me krimin e organizuar.
“Në Europë, askush nuk do të na dëgjojë të flasim për narko-shtetin. Ky është një problem i madh. E kundërta, ndonjëherë na sulmojnë pse ne flasim për narko-shtetin. Kushdo që lexon dhe shikon, Shqipëria i plotëson të gjitha kriteret për të qenë një narko-shtet”, tha Berisha.
Me shpresën se ndryshe nga Europa, Brazili do t’i dëgjojë akuzat e tij, Berisha përsëriti se krimi i organizuar diktoi rezultatin e zgjedhjeve në vend.
“Problemi është se kartelet e drogës janë më të forta se çdo parti dhe ato diktojnë rezultatet.Droga dhe shpërndarësit e drogës emërojnë ministra, deputetët emërojnë gjyqtarë, drejtorë policie”, u shpreh lideri demokrat Sali Berisha.
