Deputeti i qarkut Korçë, Ivi Kaso, ka reaguar pas shembjes dhe bllokimit të aksit Qukës–Qafë Plloçë, duke e cilësuar këtë ngjarje si provë të abuzimeve dhe mungesës së standardeve në ndërtim.
Ai thekson se rruga, e inauguruar disa herë para zgjedhjeve dhe hapur përfundimisht në shtator, ka kaluar nga një kosto e planifikuar prej 90 milionë eurosh në mbi 260 milionë euro.
“Shembet dhe bllokohet rruga Qukës- Qafë Plloçë, e inauguruar 3 herë përpara zgjedhjeve në fushatë, dhe hapur përfundimisht në shtator.
Pavarësisht se në 16 vite të ndërtimit të saj, kostot u frynë në mbi 260 milionë euro nga 90 që parashikohej maksimalisht, ende kjo rrugë nuk ofron asnjë standart në siguri e në lëvizje.
Pas zbardhjes së aferës së tunelit të Llogarasë, kjo rrugë është afera e radhës që kërkon hetim dhe transparencë të menjëhershme!”
