Ditën e hënë vendi do të ndikohet nga kushte atmosferike relativisht të qëndrueshme. Moti pritet të jetë me alternime kthjellimesh dhe vranësira.
Në orët e pasdites pritet riaktivizim i reshjeve të shiut në veriperëndim dhe perëndim me intensitet të ulët. Në zonën e Alpeve do të ketë reshje bore me intensitet të ulët gjatë pasdites dhe mbrëmjes.
Era do të fryjë nga juglindja me shpejtësi mesatare rreth 7 m/s, duke u forcuar hera-herës deri në 20 m/s përgjatë vijës bregdetare dhe zonave luginore.
Në detin Adriatik dhe Jon, valëzimi pritet i forcës 3–5 ballë.
