Deputetja Ina Zhupa ka dorëzuar në Kuvend një projektligj për të rikthyer trajtimin financiar të barabartë për rreth 11 mijë mësues të diplomuar para vitit 2015, të cilëve diploma ishte zhvlerësuar pas një akti normativ.
“Pas 25 vitesh punë, diploma ime zhvlerësohet dhe nuk paguhem në të njëjtën mënyrë si kolegët e mi. Ky ligj është shpresa jonë për të marrë vlerën e merituar.”
Në dorëzimin e projektligjit ishin të pranishme përfaqësueset e Sindikatës së Bashkuar të Arsimit Shqiptar, të cilat e vlerësuan këtë iniciativë si një hap të rëndësishëm për njohjen e kontributit të mësuesve dhe përmirësimin e kushteve të tyre të punës.
Ligji synon të garantojë të drejtat dhe shpërblimet njësoj si kolegët që kanë diplomuar pas vitit 2015 dhe të përmirësojë motivimin dhe avancimin profesional të mësuesve.
