Në konferencën e mbajtur, kryetari i Partisë Demokratike, Sali Berisha, komentoi qëndrimet e përfaqësuesve të Bashkimit Europian në Shqipëri, duke përfshirë komisioneren për zgjerimin, Marta Kos, dhe ambasadorin e BE-së në Tiranë, Silvio Gonzato.
Ai kritikoi si ata ashtu edhe qëndrimet e tyre lidhur me rezultatin e zgjedhjeve parlamentare të 11 majit.
“PD pas deklaratës së zonjës Marta Kos reagoi ndaj një qëndrimi që, sipas mendimit tonë, ishte frymëzuar nga propaganda e paguar e Edi Ramës. Ekstremizmi politik i majtë i shprehur në atë deklaratë shkel rëndë ligjin ndërkombëtar dhe ligjin kombëtar për vlerësimin e zgjedhjeve. Falenderoj Komisionin për reagimin e tij dhe garantoj se PD mbetet e përkushtuar si e ardhmja më e shkëlqyer për shqiptarët.
Sa i përket ambasadorit Silvio Gonzato, ai po ashtu është përçues i propagandës së paguar të Edi Ramës dhe dezinformimit. Ai i ka thënë zyrtarëve në BE se kryetari i PD nuk është perëndimor, gjë që është mashtrim. Opozita ndodhet përballë sulmeve të targetuara nga individë që përfaqësojnë BE-në në Shqipëri, të cilat kanë për qëllim të dezinformojnë publikun dhe ndërkombëtarët,” tha Berisha.
