Policia ka arrestuar katër persona për organizim dhe pjesëmarrje në lojëra fati në dy lokale në Mullet dhe Farkë.
Njëri prej të arrestuarve është pronari i një lokali ku zhvilloheshin lojërat e fatit.
Gjatë kontrolleve janë sekuestruar një makinë për lojëra fati, një kompjuter, katër celularë dhe një shumë parash.
Në Mullet u arrestuan pronari i lokalit, R. K., 36 vjeç, dhe K. K., 29 vjeç, i cili po luante në lokal. Në Farkë u kapën duke luajtur lojëra fati F. A., 20 vjeç, dhe E. V., 18 vjeç.
Materialet procedurale janë referuar më tej Prokurorisë.
