Banorët e Prishtinës për të tretën ditë me radhë po përballen me mungesë të transportit publik, pasi punëtorët e “Trafikut Urban” dhe operatorët publik-privat protestojnë për pagesat e papaguara.
Autobusët janë vendosur pranë objektit të Komunës dhe Qeverisë, duke krijuar kolona të gjata dhe vonesa të mëdha për qytetarët.
Kryetari i Komunës, Përparim Rama, deklaroi se punëtorët kanë punuar muaj të tërë pa pagesë dhe se fondet për investime dhe paga u janë bllokuar nga Ministri në detyrë Murati.
Sindikalistët thonë se greva do të vazhdojë deri në realizimin e kërkesave të tyre.
