Deputeti i Partisë Socialiste, Erion Braçe kërkoi sot që të kontrollohet pasuria e drejtorëve të Tatimeve dhe Doganave.
“Nuk janë këto të Tatimeve dhe Doganave atje. Nëse i fusim këtu, duhet t’i çojmë edhe atje. Të gjithë turren tek deputeti, po ujku vazhdon atje që të than.
Nuk shkon që një drejtor, i cili ka menaxhuar miliona euro, të qëndrojë vetëm një vit jashtë sektorit ku ka punuar. Ka drejtues që duhet të kenë periudha më të gjata, sepse ekziston rreziku i konfliktit të interesit.
Deputetit i ndalohet çdo detyrë tjetër përveç mësimdhënies. Deputeti vetëm mend jep, asgjë më shumë nuk i lejohet.
Ndërkohë, disa drejtues të ekzekutivit dalin e hyjnë në sektorin privat pa asnjë pengesë, edhe kur kanë menaxhuar interesa të drejtpërdrejta,” tha Braçe.
