Një ngjarje e rëndë ka ndodhur në fshatin Mlizë, Njësia Administrative Shushicë, Elbasan, ku Florian Tahiri, 40 vjeç, humbi jetën pasi u rrëmbye nga rrjedha e fuqishme e përroit pranë fshatit.
Ngjarja ndodhi ditën e djeshme, ndërsa Tahiri po kalonte urën mbi përroi.
Familjarët nisën kërkimet kur ai nuk u kthye në shtëpi, ndërsa pamjet e kamerave të bizneseve të zonës ndihmuan ekipet e emergjencës të përcaktojnë drejtimin e rrjedhjes së trupit.
Trupi i tij u gjet mëngjesin e sotëm rreth 1 km larg vendit të aksidentit.
Autoritetet po vazhdojnë hetimet, ndërsa komuniteti lokal është tronditur nga humbja.
