Një banesë njëkatëshe në lagjen “Skënderbeg” të Lezhës u përfshi nga flakët mëngjesin e së enjtes, rreth orës 08:00, duke shkrumbuar njërën nga dhomat e shtëpisë.
Në momentin e zjarrit, në banesë nuk ndodhej asnjë anëtar i familjes.
Fqinjët njoftuan shërbimin zjarrfikës dhe policinë.
Sipas të dhënave paraprake, dyshohet se shkaku ka qenë një rezistencë elektrike e lënë e ndezur.
Grupi hetimor po punon për zbardhjen e plotë të rrethanave.
