Qindra hektarë tokë bujqësore në fshatin Murqinë të Krujës janë përmbytur mëngjesin e sotëm pas daljes nga shtrati të lumit Ishëm, për shkak të reshjeve të dendura.
Lagja fundore e fshatit mbetet e izoluar, me ujë deri në 40 cm në disa pika, duke e bërë rrugën të kalueshme vetëm me mjete të larta.
Banorët paralajmërojnë se situata mund të agravojë nëse shirat dhe prurjet e lumit vazhdojnë, ndërsa problemet me përmbytjet në këtë zonë përsëriten çdo vit pa ndërhyrje për zgjidhje afatgjatë.
