Policia e Lushnjës ka shoqëruar mbi 30 persona pas atentatit ndaj Julian Sulës, i njohur si Juli i Pashakos, shumica prej tyre pjesëtarë të grupeve që kanë pasur konflikte me 45-vjeçarin.
Të shoqëruarit janë liruar pas marrjes në pyetje, pasi mohuan çdo lidhje me ngjarjen.
Hetimet tregojnë se makina e përdorur ishte vjedhur në Greqi vitin e kaluar, ndërsa targat janë marrë gjithashtu aty.
Pas djegies së automjetit në fshatin Lifaj, autorët dyshohet se mund të jenë larguar me një tjetër automjet përmes zonave rurale drejt Kuçovës dhe Beratit, por mungesa e kamerave ka vështirësuar ndjekjen e tyre.
