Sot Shqipëria feston 113-vjetorin e Pavarësisë, dhe ceremonia qendrore u zhvillua në Sheshin Flamur në Vlorë, aty ku më 28 nëntor 1912 Ismail Qemali ngriti flamurin kuqezi.
Në aktivitet morën pjesë Presidenti Barjam Begaj, Kryeministri Edi Rama, Presidentja e Kosovës Vjosa Osmani, Kryeparlamentari Niko Peleshi dhe Kryebashkiakja Brunilda Mersini. Zyrtarët vendosën kurora me lule dhe përkulën para memorialit, duke nderuar themeluesit e shtetit dhe kontributin e gjithë atyre që luftuan për lirinë e Shqipërisë.
Ceremonia u shoqërua me performanca kulturore dhe folklorike, duke rikujtuar rëndësinë historike të 28 Nëntorit dhe trashëgiminë e Gjergj Kastriot Skënderbeut. Festimet vijuan gjatë gjithë ditës me aktivitete në qytet, panaire dhe shfaqje për publikun.
