Kryeministri Edi Rama ka nderuar komandantin legjendar të Ushtrisë Çlirimtare të Kosovës, Adem Jashari, në përvjetorin e lindjes së tij, i cili përkon me Ditën e Pavarësisë së Shqipërisë më 28 Nëntor.
Në një postim, Rama e përshkruan Jasharin si një hero që lindi në Ditën e Flamurit dhe u bë simbol i sakrificës, lirisë dhe krenarisë kombëtare. “Sot kujtojmë edhe 70-vjetorin e lindjes së Adem Jasharit, heroit që lindi në Ditën e Flamurit dhe u kthye në flamur i sakrificës, lirisë dhe krenarisë kombëtare,” shkruan Kryeministri, duke nderuar kujtimin dhe kontributin e tij për kombin shqiptar.
