Lëvizja diplomatike për çështjen e Ukrainës ka marrë një vëmendje të madhe, kjo ka ndodhur pas momentit të propozimit të planit të paqes me 28 pika nga presidenti amerikan Donald Trump.
Presidenti Volodymyr Zelensky nga Pallati Elysee, sot ka njoftuar se një delegacion negociator i Ukrainës, i kryesuar nga ish-ministri i Mbrojtjes Rustem Umerov, mbërrin sonte në SHBA për bisedime vendimtare.
Sipas një zyrtari amerikan, në takim do jenë të pranish sekretari amerikan i Shtetit, Marco Rubio, i dërguari special i presidentit Trump, Steve Witkoff dhe dhëndri i presidentit amerikan Jared Kushner.
Ata do të takohen me zyrtarët ukrainas nesër në Florida.
Lidhur me situatën Zelensky është shprehur se “Detyra është e qartë, të përpunohen shpejt dhe në mënyrë thelbësore hapat e nevojshëm për përfundimin e luftës”.
