Sot përfundon afati për partitë politike që të njoftojnë Komisionin Qendror të Zgjedhjeve (KQZ) për pjesëmarrjen në zgjedhjet e parakohshme të Kuvendit më 28 dhjetor 2025 përmes koalicioneve.
Deri dje janë regjistruar dy koalicione: PAI–PDAK–LPB dhe VAKAT, ndërsa pasditen e djeshme edhe Partia e Drejtësisë njoftoi bashkimin me Lidhjen Demokratike të Kosovës.
Pas certifikimit, partitë nuk mund të tërhiqen nga koalicioni ose të garojnë si pjesë e një koalicioni tjetër. Mbetet të shihet nëse deri në mbyllje të afatit do të formohen koalicione të reja.
