Kreu i Grupit Parlamentar të PS, Taulant Balla, ka akuzuar kreun e PD, Sali Berisha, për shpërndarje të informacionit të pasaktë lidhur me pezullimin e ministrave në vendet e Bashkimit Evropian.
Sipas Ballës, lista e publikuar nga Berisha, ku përmendeshin emra të ministrave të cilët supozohet se janë pezulluar gjatë hetimeve, nuk përputhet me realitetin: shumica e rasteve lidhen me dorëheqje politike, heqje imuniteti ose akuza pas mbarimit të mandatit, dhe jo me pezullim të detyrës gjatë ushtrimit të funksionit ministror.
Postimi i Taulant Ballës:
Ja si i gënjen qorrat që e ndjekin pas Bufi i Kënetës, i cili papritur na është shfaqur si avokati më i flaktë i kënetës:
Bufi Fake News: Dan Shova, në vitin 2015, ministër transporti i Rumanisë. Masë ndalimi nga ushtrimi i funksionit të profesionit publik.
E vërteta: Ministër deri në 24 qershor 2014 u vendos në një masë kufizimi në qershor 2015 kur nuk ishte ministër
Bufi Fake News: Elena Udrea, ministre e turizmit, në vitin 2015, pezullim funksionesh gjatë hetimeve.
E vërteta: Elena Udrea ka mbajtur postin e ministrit deri në 2012 ndërkohë që akuzat ndaj saj janë ngritur në 2015. Asnjë lidhje me çështjen e pezullimit të një ministri në detyrë.
Bufi Fake News: Darius Valcov. Humbi kompetencat ekzekutive.
E vërteta: Darius Valcov dha dorehëqjen dhe ndaj tij s’ka pasur asnjëherë masë pezullimi të detyrës së ministrit.
Bufi Fake News: Italia. Nunzia De Girolamo. U detyrua të largohej nga detyra se nuk ishte Lubi, ishte tjetër.
E vërteta: Ka dhënë dorëheqjen. Asnjë masë pezullimi ndaj saj si ministre
Bufi Fake News: Franca. Christian Blanc është pezulluar jo gjatë akuzës, jo pas akuzës, por gjatë hetimit.
E vërteta: Ka dhënë dorëheqjen dhe nuk është pezulluar kurre si minister.
Bufi Fake News: Ministri i Brendshëm Charles Pasqua. Pezullim i kompetencave. Dhe ka qenë një nga ministrat më qëndrorë të qeverive franceze të qendrës së djathtë.
E vërteta: Deri ne 1998 kur mbajti poste ministrore nuk u akuzua kurrë dhe aq me pak ndaj tij nuk u mor ndonjë masë pezullimi gjykate
Bufi Fake News: Tjetër. Belgjika. Willy Claes, ish-sekretar i përgjithshëm i NATO-s, ministër i jashtëm më pas. Pezullim de facto para dorëheqjes.
E verteta: Ne 1995 parlamenti Belg votoi për t’i hequr imunitetin dhe me pas u procedua penalisht. Asnje pezullim i llojit shqiptar.
Bufi Fake News: Ivan Vrdoljak. Ministër i ekonomisë. Pezullim de facto gjatë hetimeve.
E vërteta: Nuk ka pasur asnjë vendim pezullimi te detyrës së ministrit.
