Pas takimit me Presidentin ukrainas Volodymir Zelensky, Presidenti francez Emmanuel Macron deklaroi se është përparuar ndjeshëm në hartimin e garancive të sigurisë për Ukrainën, duke përfshirë interesat e Francës dhe të qytetarëve evropianë.
Macron njoftoi se në ditët e ardhshme do të zhvillohen bisedime me zyrtarët amerikanë për të përcaktuar rolin dhe pjesëmarrjen e SHBA-së në këtë mekanizëm sigurie.
Ai gjithashtu theksoi se po vijojnë konsultime me Rusinë për të kuptuar qëndrimin e saj lidhur me procesin e paqes dhe gatishmërinë për të ecur përpara.
Presidenti francez bëri të ditur se priten edhe takime të drejtpërdrejta midis delegacioneve amerikane dhe ruse, me qëllim vlerësimin e mundësive për progres në dialogun e paqes.
