Deputeti i Partisë Demokratike, Bujar Leskaj, kritikoi qeverinë për menaxhimin e pasojave të përmbytjeve në Vlorë, duke akuzuar për mungesë investimesh, korrupsion në tenderime dhe papërgjegjshmëri ndaj qytetarëve të prekur.
Ai theksoi se shumë banorë nuk kanë marrë dëmshpërblim dhe infrastruktura kulluese është e vjetërsuar dhe e keqmenaxhuar.
“Vlora është pasqyra e çfarë ndodh me të gjitha qytetet e Shqipërisë. Investimet me miliona euro janë abuzime, rrjeti i kanalizimeve është i vjetërsuar dhe shumë qytetarë të përmbytur nuk kanë marrë dëmshpërblim. Askush nuk jep llogari për përmbytjet dhe mungon përgjegjësia e qeverisë,” shprehet Leskaj.
