Deputeti Luçiano Boçi ngriti sot shqetësime të thella në Kuvend lidhur me korrupsionin, mangësitë në drejtësi dhe kufizimin e mundësive të deputetëve për të folur për problemet e qytetarëve, duke paralajmëruar se kjo situatë dëmton besimin publik dhe krijon një hendek mes qytetarëve dhe institucioneve.
Ai kërkoi me urgjencë ndryshimin e rregullores parlamentare për t’u dhënë më shumë kohë deputetëve që të paraqesin hallet reale të qytetarëve dhe të bëhen zëri i tyre.
“Kryetar, shumë deputetë nuk kanë mundësi të flasin, sepse pesë minuta nuk mjaftojnë për të paraqitur mijëra probleme. Çdo deputet duhet të ketë 10 minuta për të shprehur shqetësimet e qytetarëve, për të diskutuar korrupsionin, amnistinë fiskale dhe drejtësinë, dhe për të qenë vërtetë zëri i tyre në këtë parlament. Ky ndryshim duhet të bëhet me urgjencë, që qytetarët të ndjejnë se përfaqësimi i tyre ka vlerë,” tha Boçi.
