Federica Mogherini, ish-Përfaqësuese e Lartë e BE-së për Politikën e Jashtme, u lirua mbrëmë rreth orës 1 të mëngjesit, pas arrestimit të saj të martën si pjesë e një hetimi për mashtrim dhe korrupsion. Kryetari i PD-së, Sali Berisha kërkoi që të hetohet kampusi i ndërtuar në Tiranë dhe lidhja sipas tij me Edi Ramën.
“Pas skandalit të vjedhjesh të 50 milionë eurove të taksapaguesve shqiptarë në tenderin e tunelit të Llogorasë plas skandali tjetër i vjedhjes së miliona e miliona eurove të taksapaguesve shqiptarë dhe evropianë me Kampusin e Kolegjit Europian në Tiranës dhe bursat e studenteve të përcaktuar nga Lubi-Mogherini dhe Ramaduro, kreu i narkoshtetit të parë dhe të vetëm në Europë.
E përbashkëta e këtyre dy skandaleve të përmasave ndërkombëtare është se në të dyja del protagonist kryesor, Edi Rama njëherazi kryeministri më i korruptuar i Europës. Me një marrëveshje të fshehtë me Qeverinë Shqiptare që nuk është publikuar, sepse është korruptive është vendosur të ndërtohet me 17 milionë euro të taksapaguesve shqiptarë Kampusi i Kolegjit Bryzh marrë pikërisht për këtë qëllim truallin e parashikuar për ndertimin e studentëve të Universitetit të Tiranës, për të cilin ekzistonte edhe projekti i kampusit” tha ai.
